Mbi 2.5 milionë ukrainas janë larguar nga vendi i tyre

Në pak më shumë se dy javë, miliona refugjatë ukrainas janë detyruar të ikin ndërsa pushtimi rus i atdheut të tyre vazhdon.

Rritja e numrit të njerëzve që lënë vendin e tyre përbën edhe “krizën e refugjatëve në rritje më të shpejtë në Evropë që nga Lufta e Dytë Botërore,” tha të dielën komisioneri i Agjencisë së OKB-së për Refugjatët, Filippo Grandi.

Ndërsa shumë banorë në pjesët qendrore dhe lindore të vendit janë zhvendosur në Ukrainën perëndimore dhe larg vijave të frontit, më shumë se 2.5 milionë ukrainas janë larguar nga vendit i tyre pas pushtimit të Rusisë më 24 shkurt, sipas vlerësimeve të fundit të Kombeve të Bashkuara për refugjatët.

Shumica e atyre që ikin nga Ukraina janë gra dhe fëmijë. Meshkujt ukrainas të moshës 18 deri në 60 vjeç u ndaluan të largoheshin, pasi qeveria e saj kombëtare vendosi ligjin ushtarak.
Më shumë se 1.6 milionë ukrainas kaluan në territorin e saj që nga e premtja, sipas të dhënave të UNHCR-së, kurse Polonia ka pranuar më shumë refugjatë.

Vendet në perëndim dhe jug të Ukrainës kanë pranuar gjithashtu një numër të madh refugjatësh. Që nga pushtimi, më shumë se 245,000 ukrainas kanë hyrë në Hungari, ndërsa mbi 195,000 kanë ikur në Sllovaki, sipas të dhënave të UNHCR-së të premten.

Mbi 328,000 refugjatë kanë mbërritur në Moldavi, tha ministri i Jashtëm i vendit Nicu Popescu.

Dhe më shumë se 173,000 kanë ikur që atëherë në Rumaninë fqinje.
Në të gjithë Evropën, vendet duke përfshirë Gjermaninë, Austrinë, Kroacinë, Estoninë, Greqinë, Irlandën, Italinë, Lituaninë, Holandën, Portugalinë dhe Suedinë kanë raportuar secila mijëra ukrainas që kanë mbërritur.