Shefi i spiunazhit rus që dridhej para Putinit i ofron një “rrugëdalje” nga situata Ukrainës

Shefi i Inteligjencës së Jashtme të Rusisë ka thënë se e vetmja rrugë përpara për Ukrainën është neutraliteti pasi një këshilltar i Zelenskyy sugjeroi se Kievi ishte gati për bisedime me Moskën, duke përfshirë miratimin e një statusi neutral në lidhje me NATO-n.

Vërejtjet e Sergei Naryshkin erdhën pasi Kremlini tha se kishte vënë në dukje deklaratën e Mykhailo Podolyak, dhënë agjencisë së lajmeve Reuters, dhe ishte në proces të analizimit të komenteve të tij.

Ukrainës iu premtua anëtarësimi përfundimtar në NATO që në vitin 2008, duke shkaktuar zemërimin e Moskës.

Në prag të pushtimit të Rusisë, presidenti Vladimir Putin kërkoi që aleanca e udhëhequr nga Shtetet e Bashkuara të angazhohej për të mos pranuar kurrë Kievin në radhët e saj.

NATO dhe Uashingtoni refuzuan kategorikisht.