207 shkelje të rregullave në trafik vetëm në Shkup

Ministria për Punë të Brendshme gjatë ditës së djeshme vetëm në territorin e Shkupit ka shqiptuar gjithsejtë 207 gjoba për shkelje të rregullave në trafik. Sipas njoftimit të MPB-së, 46 gjoba janë shqiptuar për tejkalim të shpejtësisë, 38 për mosdhënien përparësi këmbësorëve, 20 për ngasje të makinës pa patentë shoferi, shkruan Alsat.

Nga MPB-ja njoftojnë se 16 gjoba u janë shqiptuar këmbësorëve, 5 për kalim në të kuqe në semaforë, 6 për vozitës fillestar, 5 për makina të paregjistruara dhe 53 për parkim të parregullt./Alsat.mk