SHBA i ka bërë thirrje ushtrisë së Sudanit menjëherë të lirojë kryeministrin Abdalla Hamdok në mes të një grusht shteti në vazhdim, transmeton Anadolu Agency (AA).

“Ne mohojmë veprimet e ushtrisë dhe bëjmë thirrje për lirimin e menjëhershëm të kryeministrit”, u tha gazetarëve zëdhënësja e Shtëpisë së Bardhë, Karine Jean-Pierre, duke shprehur më tej “alarm të thellë” për grusht shtetin.

Sot herët, ushtria e Sudanit arrestoi kryeministrin Hamdok dhe anëtarët e qeverisë civile në kryeqytetin Khartoum.

Ministria e Kulturës dhe Informacionit tha se ushtria e arrestoi Hamdok-un pasi ai refuzoi të mbështesë atë që ai e përshkroi si “grusht shtet”.

Sot më vonë, kreu i këshillit ushtarak në pushtet, gjenerali Abdel-Fattah al-Burhan, shpalli gjendje të jashtëzakonshme dhe shpërndau Këshillin Sovran, i cili u formua për të udhëhequr vendin pas rrëzimit të presidentit Omar al-Bashir në vitin 2019.

Pas një grusht shteti të dështuar muajin e kaluar, në Sudan shpërthyen tensione të thella midis ushtrisë dhe administratës civile mes protestave të fundit rivale në Khartoum.

Para shpërbërjes, Sudani administrohej nga një Këshill Sovran i përbërë nga autoritetet ushtarake dhe civile, i cili mbikëqyri periudhën e tranzicionit deri në zgjedhjet e planifikuara për në vitin 2023, si pjesë e një pakti të pasigurt për ndarjen e pushtetit midis ushtrisë dhe koalicionit ‘Forcat për liri dhe ndryshim’.