Shahpaska pjesë e mbledhjes ministrore për Programin e ri për reforma ekonomike 2022-2024

Ministrja e Punës dhe Politikës Sociale, Jagoda Shahpaska sot mori pjesë në mbledhjen ministrore të organizuar nga Ministria e Financave. Në mbledhje është diskutuar për masat e propozuara reformuese në Programin e ri për reforma ekonomike (PER) 2022-2024.

Programi i reformave ekonomike vlen si dokumenti më i rëndësishëm strategjik në dialogun ekonomik me Komisionin Evropian dhe vendet anëtare të BE-së. Programi përmban kornizë afatmesme të politikës fiskale dhe makroekonomike, dhe tregim detajor të reformave strukturore që duhet të kontribuojnë për rritje të konkurencës së ekonomisë dhe krijim të vendeve të punës.

Ministria e Punës dhe Politikës Sociale në mbledhje i propozoi katër masa për Programin e reformave ekonomike 2022-2024 në tre fusha.

Masa në fushën “Rrumbullaksimi afarist dhe zvogëlimi i ekonomisë joformale” thotë: Përparimi i koordinimit dhe përpjekjeve për ballafaqim me ekonominë joformale”.

Në lidhje me fushën “Punësim në tregun e punës”, Ministria propozoi masë të re për “Rritje të fleksibilitetit të tregut të punës dhe shpenzim të përfshirjes me masat aktive për punësim”.

Kjo masë ka të bëjë me projektin “Mbështetje financiare për zhvillim të sipërmarrësisë te pjesëtarët e bashkësisë rome me fondin meçing, i cili është projekt i përbashkët i Qeverisë të Republikës së Maqedonisë së Veriut dhe Nismës për zhvillim të sipërmarrësisë rome – REDI.

Ministria propozoi masa të reja edhe në fushën e “Mbrojtjes dhe përfshirjes sociale”, sa i përket përforcimit të sistemit për përfshirje sociale të kategorive të rrezikuara. Masa përfshin dy komponente: Aktivizim të personave nga kategoritë e rrezikuara në tregun e punës dhe Përmirësimi i arritshmërisë së shërbimeve sociale cilësore.