Krim brenda familjes, burri vret bashkëshorten dhe largohet nga shtëpia, policia në ndjekje të tij

Një ngjarje e rëndë ka ndodhur mbrëmjen e sotme në fshatin Zhupan të Fierit, ku një burrë ka vrarë bashkëshorten e tij, Sabrina Bega.

Bëhet me dije se autori Elton Metaj ka vrarë gruan në banesën e kësaj të fundit dhe më pas është larguar nga vednngjarja, ndërkohë që policia është vënë në ndjekje të tij.

“Rreth orës 22:50, në fshatin Zhupan, shtetasi E. M., 31 vjeç, në banesën e ish-vjehrrit, ka vrarë me armë zjarri ish-bashkëshorten e tij, shtetasen S. B.Në vendngjarje kanë shkuar shërbimet e Policisë dhe po punojnë për kapjen e autorit dhe zbardhjen e plotë të ngjarjes.Janë ngritur pika kontrolli në hyrje-dalje të qytetit dhe vijon krehja e zonës për kapjen e 31-vjeçarit”, njofton policia.