Çfarë di Bill Gates? Miliarderi “mbyll në sirtar Covid-in”, investon në turizëm!

Një ndër sektorët e goditur më rëndë prej pandemisë ishte turizmi. Por Bill Gates ka vendosur të investojë pikërisht aty.

Miliarderi e “ka arkivuar Covidin”, thonë mediat e huaja dhe është kthyer në aksioner kryesor të zinxhirit të hoteleve të luksit “Four Seasons”. Me blerjen e fundit, Cascade Investement, shoqëria që menaxhon pasurinë e Gates, mori kontrollin e këtyre hoteleve të njohura, për të cilat ka paguar 2,2 miliardë dollarë kesh.

Me 71.5% të aksioneve, Cascade bëhet aksionerja më e madhe e shoqërisë, e ndjekur nga princi saudit Alwaleed bin Talal, njeriu i katërt më i pasur i botës sipas Forbes. Themeluesit të zinxhirit të hoteleve, Isadore Sharp, i mbeten vetëm 5% të aksioneve. Në rrjetet sociale është hedhur ideja se Gates di diçka për pandeminë, se ndryshe nuk do të rrezikonte t`i hynte një sektori të gjunjëzuar si ky prej koronavirusit.

Sipas të dhënave të Organizatës Botërore të Turizmit, vetëm në 2020-tën, turizmi global humbi 1.300 miliardë dollarë për shkak të kufizimeve të udhëtimit, te vendosur me qëllim frenimin e përhapjes së pandemisë.