Bastisje në Shkup, arrestohet një person

Më 17.09.2021 rreth orës 22:00 në rrugën “Ivan Haxhinikollov” pjesëtarët e njësitit për tregëti të paligjshme pran Sektori për Punë të Brendshme – Shkup kanë privuar nga liria 30 vjeçarin me inicialet D.K nga Shkupi. Pas kontrollit në shtëpinë e tij, me urdhër të gjykatës, kanë gjetur dhe konfiskuar marihuanë dhe lëndë të tjera narkotike si dhe dy peshore dixhitale, njoftojnë nga MPB, transmeton TV21.

Siç bëjnë të ditur nga MPB, D.K është ndaluar në stacionin policor dhe pas dokumentimit të plotë të rastit, kundër tij do të ngritet akuzë sipas nenit 215 të Kodit Penal.