Orët që i përkasin të madhit të Formula 1, Michael Schumacher, u shitën për rreth pesë milionë euro në ankandin e Christie’s në Gjenevë të martën.


Tetë orët, duke përfshirë orët Rolex, FP Journe dhe Audemars Piguet, u nxorën në shitje nga familja e Schumacher, i cili nuk është parë në publik që kur pësoi një lëndim të rëndë në kokë në një rënie gjatë skijimit jashtë pistes në 2013.

Një orë FP Journe me një mesazh të gdhendur dhënë Schumacherit si dhuratë për Krishtlindje nga shefi i ekipit të tij Ferrari, Jean Todt, u shit për 1.8 milion euro.

Një orë tjetër me porosi, një Royal Oak nga Audemars Piguet, u shit për 500,000 euro, duke tejkaluar vlerësimin e saj prej 180,000 deri në 300,000 euro.

“Koleksionistët ishin shumë të lumtur që zbuluan këto ora të zhytura në histori”, deklaroi Remi Guillemin, kreu i orëve të Christie’s në Evropë.

Orët e lidhura me 55-vjeçarin shtatë herë kampionin e botës Schumacher janë pjesë e një koleksioni më të gjerë në pronësi të familjes.