SHBA: Zjarret në Kanada janë pasojat e ndryshimeve klimatike

Zjarret në Kanadanë lindore dhe përkeqësimi i mëvonshëm i cilësisë së ajrit në bregun lindor të Shteteve të Bashkuara janë “një tjetër shenjë alarmante se si kriza klimatike po ndikon në jetën tonë”. Është një “shembull shqetësues” i ndryshimeve klimatike që prekin të gjithë botën, njoftoi sot Shtëpia e Bardhë.

Zëdhënësja e Shtëpisë së Bardhë Karin Jean-Pierre tha se Presidenti Biden po informohej për ecurinë e këtyre zjarreve, duke ofruar mbështetjen e SHBA dhe duke u kërkuar amerikanëve me probleme shëndetësore që të “marrin masa paraprake” për shkak të ndotjes së ajrit.

Në të njëjtën kohë, Administrata Federale e Aviacionit (FAA) njoftoi se po vononte dhe pezullonte disa fluturime në zonën e Nju Jorkut për shkak të uljes së dukshmërisë për shkak të tymit nga zjarret e furishme.
FAA tha se fluturimet nga veriu i Midwest dhe Bregu Lindor për në Aeroportin Ndërkombëtar LaGuardia të Nju Jorkut janë ndalur, ndërsa fluturimet për në Aeroportin Ndërkombëtar të Newark Liberty do të hasin vonesa.

Qindra zjarre në Kanada kanë krijuar një shtresë tymi në atmosferë, duke nxitur një alarm për shëndetin publik në qytetet amerikane.