Papa i lutet Putinit të ndalë vdekjet, Zelenskit i kërkon të negociojë për paqe

Pope Francis celebrates a Mass with members of religious institutions on the occasion of the celebration of the World Day of Consecrated Life, in St. Peter's Basilica at the Vatican, Saturday, Feb. 1, 2020. (AP Photo/Andrew Medichini)

Papa Françesku i ka bërë thirrje presidentit rus, Vladimir Putin, që të ndalë “këtë spirale të dhunës dhe vdekjes” duke iu referuar luftës në Ukrainë.


Deklaratat e Papës të bëra më 2 tetor gjatë lutjeve publike në Sheshin e Shën Pjetrit në Vatikan, janë disa prej deklaratave më të forta që ai ka bërë që kur Rusia nisi pushtimin e Ukrainës më 24 shkurt.

“Apeli im i drejtohet fillimisht presidentit të Federatës Ruse, duke iu lutur atij që të ndalë – për hir të popullit të tij – këtë spirale të dhunës dhe vdekjes”, tha Françesku.

“Në anën tjetër, i pikëlluar nga vuajtjet e mëdha të popullit ukrainas pas agresionit, i drejtohem me një apel presidentit të Ukrainës që të jetë i hapur për propozime serioze të paqes”, shtoi Papa.