Nisi si shaka, Zelanda e Re pothuajse u shit në internet për 3 mijë dollarë
Nga Andrei Tapalaga, History of Yesterday
Fillimi i viteve 2000 ishte një periudhë shumë e mirë për njerëzimin pasi shënoi zbulimin e internetit. Shumë njerëz nuk e kuptuan kurrë konceptin e blerjeve në internet, të paktën deri në vitin 2006 kur një australian me emrin Isaac Butterfield nxori Zelandën e Re për shitje në eBay.
Sot, Isaac Butterfield është një komedian që pëlqen të tallet me Zelandën e Re, kjo ishte diçka që ai e ka bërë gjithmonë dhe është mjaft i zoti, megjithatë, diçka tjetër e bëri atë të famshëm.
Për të kuptuar se nga nisi kjo histori, duhet të kthehemi në vitet e adoleshencës së Isaac Butterfield, një kohë kur as Issac nuk e kuptonte mirë se si funksiononte interneti.
Një shaka e marrë shumë seriozisht
Kështu, në vitin 2006, ai vendosi të nxirrte Zelandën e Re në shitje në eBay në një ankand një-mujor me një çmim fillestar prej 0,01 dollarë australian. Shitja përfshinte vetëm një foto të flamurit të Zelandës së Re dhe një përshkrim që deklaronte një shitje zyrtare të të gjithë Zelandës së Re. Disa njerëz në fakt e morën këtë shumë seriozisht dhe ankandi arriti në 3,000 dollarë përpara se të ndalohej nga eBay, raporton abcnews.al.
Qeveria e Zelandës së Re e pranoi këtë dhe deklaroi publikisht se vendi nuk ishte në shitje. Shumë nga të dhënat rreth ankandit nuk ekzistojnë më pasi eBay fshiu gjithçka rreth ngjarjes për të shmangur publicitetin negativ pasi ishte platforma kryesore e shitjes online në atë kohë.
22 oferta ishin bërë përpara se kompania të merrte masat.
Një shaka që u rikthye në vitin 2019
Është mjaft interesante që Isaac Butterfield donte ta rikthente sërish këtë histori. Disa prej jush mund ta njohin atë pasi ai ka një kanal në YouTube me 1.6 milionë ndjekës ku shpesh bën shaka për Zelandën e Re.
Në një nga videot e tij, ai madje flet për incidentin e vitit 2006 dhe gjithashtu thotë se eBay nuk kishte të drejtë ta hiqte atë. Në vitin 2019 ai krijoi një faqe GoFundMe ku po përpiqej të shiste sërish Zelandën e Re.
Edhe pse platforma përdoret për të mbledhur para për raste bamirësie apo projekte të ndryshme.
