Komuna e Çairit ndan 20 bursa për studime në lëndët deficitare në Universitetin “Nënë Tereza”

Shkup, 10.09.2022 – Në prag të fillimit të afatit të dytë të regjistrimit në Universitetin “Nënë Tereza” në Shkup, që do të jetë ditën e hënë, kryetari i Komunës së Çairit, Visar Ganiu bashkë me rektorin e këtij tempulli akademik, Prof.Dr. Izet Zeqiri nënshkruan Marrëveshjen me të cilën Komuna e Çairit ndan 20 bursa për studentë që do të studiojnë në fushat deficitare në këtë universitet edhe atë: Megatronikë, Menaxhment industrial dhe Elektro-energjetikë.

 

Ganiu është shprehur se ky akt paraqet një hap të rëndësishëm për avancimin akademik të shoqërisë tonë, por edhe për forcimin e tregut të punës që ka nevojë aq të madhe për të patur njerëz profesionist në radhët e veta edhe atë në fushat deficitare.

“Njëkohësisht përgëzova rektorin Zeqiri për punën e mrekullueshme që po e bën në avancimin e Universitetit “Nënë Tereza” dhe shpreha gatishmërinë Komuna e Çairit për të qenë gjithmonë mbështetje e fuqishme e këtij institucioni akademik”, ka deklaruar Ganiu.