ASH shpalli konkursin për kryetarë të degëve

Aleanca për Shqiptarët prej sot ka shpallur konkursin për zgjedhjen e kryetarëve të degëve në disa komuna të vendit.

Të gjithë kandidatët e interesuar duhet të jenë anëtar të kësaj partie, ndërsa konkursi vlen nga 16 maji deri më 23 maj.

“Inkurajojmë çdokënd që beson se ka aftësitë dhe vizionin e duhur për drejtimin e degëve lokale të ASH-së, të aplikojë dhe të bëhet pjesë e garës”, deklaroi kryetari i ASH-së, Ziadin Sela pas mbledhjes së fundit të kryesisë.