Një banore e Kievit, Anastasia, nga pika kufitare mes Ukrainës dhe Polonisë ka thënë se është detyruar që ta lë qytetin e saj, me shpresën që të gjejnë paqe.


Ajo tha se dita në Kiev ishte e qetë, por mbrëmja ishte e rrezikshme, prandaj edhe vendosën që të ikin nga atje.

Tutje, ukrainasja tha se shteti i saj ka nevojë për mbështetje dhe duan përfundimin e kësaj lufte të nisur nga Rusia.

“Ju lutëm, Ukraina ka nevojë për mbështetje, të gjithë ukrainasit duan që kjo luftë të përfundojë sepse i kanë humbur shtëpitë dhe ne vetëm duam paqe”, është shprehur Anastasia, ka thënë ajo në një prononcim për Klan Kosovën.

Kujtojmë se Ukraina gjendet nën pushtimin rus që nga 24 shkurti i këtij viti, ku forcat ruse shkelën tokën ukrainase.