Temperatura mesatare globale e sipërfaqes së Tokës në vitin 2021 ishte e barabartë me atë të regjistruar në vitin 2018.

“Në përgjithësi, tetë vitet e fundit janë më të ngrohtat që nga fillimi i sondazhit në 1880.”

Ky është përfundimi i analizave të kryera nga NASA dhe Administrata Kombëtare Oqeanike dhe Atmosferike.

Tendenca e ngrohjes afatgjatë të planetit vazhdon, me temperaturat globale në vitin 2021 që janë 0.85 gradë Celsius mbi mesataren bazë të NASA-s në vitet 1951-1980. Toka në vitin 2021 ishte rreth 1.1 gradë Celsius më e ngrohtë se mesatarja në fund të shekullit të 19-të, fillimi i revolucionit industrial.

“Ne kemi nevojë për veprim të guximshëm për të mbrojtur të ardhmen e njerëzimit.”

“Shkenca nuk lë vend për dyshime: ndryshimi i klimës është kërcënimi ekzistencial i kohës sonë”, tha administratori i NASA-s, Bill Nelson

“Tetë nga dhjetë vitet më të nxehta në planetin tonë – shtoi ai – kanë ndodhur në dekadën e fundit, një fakt i padiskutueshëm që nënvizon nevojën për veprime të guximshme për të mbrojtur të ardhmen e vendit tonë dhe të gjithë njerëzimit”.