Ylli argjentinas vë në dyshim aftësitë e trajnerit të PSG
Lionel Messi ka dyshime për aftësitë e Mauricio Poketinos në stolin e PSG-së, pasi nuk është shumë i bindur me zgjedhjet taktike dhe aftësinë për të kontrolluar lojtarët.
Gazeta sportive franceze “L’Equipe” shkruan se ylli argjentinas mendon se 49-vjeçari kishte mundësi që të bënte më shumë.
Por si “pleshti”, ashtu edhe tekniku, nuk kanë arritur që të japin atë që pritej që nga mbërritja e tyre në kryeqytetin francez, edhe pse pritshmëritë janë mjaft të larta, nisur nga investimi i bërë nga klubi.
Mesi ka shënuar vetëm një herë në kampionat, ndërsa në Ligën e Kampioneve ka festuar tre herë.
Lojtari 34-vjeçar gjykon se filozofia e lojës e teknikut Poketino të kufizon shumë dhe kjo bën që ai të dështojë të marrë më të mirën nga treshja e sulmit Mesi-Neymar-Mbape.
Shtatë herë fituesi i “Topit të Artë’ i trembet faktit se tekniku nuk e ka kontrollin e plotë të grupit, e kështu ka humbur respektin e futbollistëve kryesorë.
Pavarësisht ecurisë pozitive në kampionat, kjo ka pak rëndësi në sytë e të tjerëve, që presin që parisienët të jenë të suksesshëm në Ligën e Kampioneve.