Mediat, Dembele në mes Barcelonës dhe Premier Ligës

Barcelona's Ousmane Dembele shoots the ball during the Spanish La Liga soccer match between Barcelona and Real Betis at the Camp Nou stadium, in Barcelona, Spain, Saturday, Dec. 4, 2021. (AP Photo/Joan Monfort)

Sipas të përditshmes spanjolle, “Mundo Deportivo”, ylli francez i Barcelonës, Ousmane Dembele, dëshiron të ndryshojë diçka në karrierën e tij të ngarkuar me lëndime. Lojtari ka filluar të besojë se një sfidë e re është shumë e nevojshme për të rindërtuar karrierën e tij me klube.


Kjo dëshirë, sipas të përditshmes spanjolle, pritet ta shtyjë lojtarin drejt një aventure në Premier Ligën e Anglisë. Lojtari deri më tani është shënjestruar nga skuadra si Man. Junajted, Njukasëll dhe Totenham, edhe pse thuhet se edhe skuadra tjera mund t’i futen garës për sulmuesin e krahut 24 vjeçar.

Prej kohës kur Dembele iu bashkua Barcelonës, ai ka bërë vetëm 83 paraqitje në La Liga, në pesë vite – duke arritur mesatarisht rreth 16 paraqitje për kampanjë.