Haxhiu: Këta që sot shtiren kinse janë kundër fusnotës, kur ajo u instalua s’e thanë asnjë fjalë të vetme
Ministrja e Drejtësisë, Albulena Haxhiu, po thotë se qytetarët e Republikës së Kosovës, janë duke u përfaqësuar denjësisht brenda dhe jashtë vendit, nga kryeministri Albin Kurti.
Kjo deklaratë e saj, vie pas reagimeve të shumta lidhur me pjesëmarrjen e kryeministrit kosovar në diskutimet në Bruksel, e ku së fundi Kurti përfaqësoi Kosovën me fusnotë por jo me emrin kushtetues Republikë e Kosovës, njofton Klankosova.tv.
”Këta që sot shtiren kinse janë kundrejt fusnotës, asokohe kur fusnota u instalua nuk e thanë asnjë fjalë të vetme kundër asaj marrëveshje (por as edhe të tjerave) përkundrazi iu bashkuan qeverisë së asaj kohe kinse fusnota “do të shkrihej porsi fjolla e borës”, prandaj këta askush nuk i merr seriozisht.
Fusnota dhe shumë marrëveshje tjera sikurse edhe ajo për asociacionin ishin dhe mbeten të dëmshme.
Koncesionet në kurriz të shtetit dhe qytetarëve që i bënë qeveritë e kaluara nuk mund të zhbëhen menjëherë.
Sot, Republika e Kosovës dhe qytetarët, përfaqësohen denjësisht nga kryeministri Kurti, brenda e jashtë vendit, fatkeqësisht këtë përfaqësim nuk e kemi parë kurrë më parë por fat i mirë që tani Kosova shihet ndryshe!
Kemi shumë punë për të bërë!”.
