Gjobiten 122 shoferë në Shkup

Ministria e Punëve të Brendshme njofti se gjatë ditës së djeshme vazhdoi me aksionet kontrolluese në komunikacion.

“Në territorin e Shkupit janë shqiptuar gjithsej 122 masa prej të cilave 18 janë për vozitje pa leje, tetë për tejkalim shpejtësie, tre masa për vozitje nën ndikimin e alkoolit, katër për mosregjistrim, katër për tejkalim të parregullt dhe 30 për parkim”, thonë nga SPB Shkup.

Aksionet të këtilla do të ketë edhe gjatë ditëve të ardhshme.

“U bëjmë thirrje qytetarëve që t’i respektojnë rregullat në mënyrë që ta risim sigurinë në komunikacion”, thuhet në njoftimin e policisë.