Muhamed Zekiri: Loja ndryshoi

Sekretari i përgjithshëm i Qeverisë Zaev 2, Muhamed Zekiri ka reaguar për zhvillimet e fundit në Kuvend ku një deputet i Lëvizjes Besa nuk është i pranishëm në seancën për mosbesimin e Qeverisë.

“Loja ndryshoi”, ka shkruar Muhamed Zekiri.

Nga ana tjtër Kastriot Rexhepi ka vendosur që mos të votojë kundër rrëzimit të Qeverisë. Ku ai sot para nisjes së seancës për rrëzimin e qeverisë ka shkruar në FB duke thënë se nuk do të votojë për shkak se vendi është në rrugë eurointegruese.

“Një nga kauzat kryesore të mija dhe subjektit politik Lëvizja Besa që i përkas, ka qënë integrimi euro atlantik i RMV.
Duke patur parasysh momentumin politik, pas shtyrjes të dorëheqjes nga kryeministri Zaev, për hir të procesit dhe sinjalet e forta nga partnerët strategjik SHBA dhe shtetet e BE-së që më janë komunikuar nga përfaqësues të lartë diplomatik, se në muajin dhjetor vëndi ka gjasa të mëdha të marë datë për fillim e bisedimeve për anëtarësim në BE, vendosa që mos të mar pjesë në seancën parlamentare ku duhej të meret vendim me të cilin do vihet në pikëpyetje ky pikësynim jetik kombëtar dhe shtetëror. Si politikan dhe deputet i përgjegjshëm, mora këtë vendim jo të lehtë duke i vënë interesin e popullit dhe shtetit në radhë të parë.
Shteti në këtë periudhë të rëndësishme nuk ka nevojë për krizë politike dhe zhytje në ujëra të turbullta me plot të panjohura” shkruan Rexhepi./TS/