Hazard nuk largohet nga Reali në janar, Ancelotti mund t’i marrë maksimumin!

Eden Hazard do të qëndrojë te Reali i Madridit të paktën deri në fund të këtij sezoni dhe do të tentojë me të gjitha mënyrat të tregojë vlerat e tij të vërteta pavarsisht zërave të merkatos. Sipas raportimeve të gazetës madrilene Marca, Reali i Madridit nuk kërkon të largojë në merkaton e janarit një lojtar për të cilin ka shpenzuar 100 milionë euro, pasi te klubi merengues shpresojnë që Ancelotti mund t’i marrë më të mirën belgut.


Sëfundmi emri i Hazard është përfolur për një rikthim në Premier League te Chelsea ose një kalim i mundshëm te Newcastle. Në këtë sezon me Realin, 30-vjeçari është aktivizuar në 10 ndeshje në të gjitha kompeticionet ndërkohë që ende nuk e ka gjetur rrugën e rrjetës.