Zëdhënësi i BDI-së, Bujar Osmani në Click Plus në TV21 komentoi edhe deklaratën e kryetarit të VMRO-DPMNE-së, Hristijan Mickoski i cili sot tha se vetëm Ali Ahmetit i konvenon një kryeministër i shantazhuar. Osmani tha se BDI-ja nuk është pjesë e krizës por e zgjidhjes së krizës.


“Unë e marrë si kompliment, pasi që tregon se ne jemi të parashikueshëm. Ne nuk jemi pjesë e krizës, ne jemi pjesë e zgjidhjes së krizës. Dhe zakonisht jemi në momentet kur duhet të zgjidhen problemet”, tha Bujar Osmani në ClickPlus në TV21.