‘Pandora Papers’, e quajtur ‘Letrat Pandora’ përfshin 11.9 milionë skedarë nga kompanitë e punësuara nga klientë të pasur për të krijuar struktura offshore në parajsat tatimore si Panamaja, Dubai, Monako, Zvicra dhe Ishujt Kajman.


Në lidhje me/ “Pandora Papers”: Zbulohen pasuritë sekrete dhe marrëveshjet e liderëve botërorë

Konsiderohet, rrjedhja më e madhe ndonjëherë e të dhënave në offshore, që nxjerr në dritë sekretet financiare të të pasurve dhe të fuqishmëve nga e gjithë bota.

Parajsat fiskale janë vende, ku taksat janë shumë të ulëta ose nuk ekzistojnë fare dhe ligjet tatimore janë shumë të lehtë.

Nga ky vërshim dokumentesh dalin kasafortat e fshehta të 46 oligarkëve rusë, kompanitë offshore me zero taksa të një super kaste prej 130 multi-miliarderësh, llogari offshore të mbi 330 politikanëve, mes të 35 krerë shtetesh ose qeverish, ministra, parlamentarë, gjeneralë, bankierë, industrialistë, të famshëm nga sporti, moda dhe argëtimi.