Adele është kthyer me vokalin e saj të fuqishëm që fansat duan. Pasi priti pesë vjet nga kënga e saj e fundit, Adele më në fund publikoi të enjten “Easy on Me”, një baladë që reflekton se si ajo është rritur gjatë viteve.

Videoklipi bardhë e zi, fillon në të njëjtin vend që Adele përfshiu në videon e hitit “Hello”.

Kjo është kënga e parë nga albumi i ardhshëm “30”, i cili do të publikohet më 19 nëntor. Pritja ia ka vlejtur pasi ndonëse ka vetëm 6 orë që është publikuar, kënga ka arritur më shumë se 11 milionë klikime në Youtube.