Dogana e Kosovës ka njoftuar se në pikë kalimin kufitar të Dheut të Bardh janë gjetur dhe konfiskuar 52 mijë franga në xhaketën e shoferit të një veture. Tutje bëhet e ditur se rasti ka ndodhur sot dhe njësit e antikontrabandës së Doganës së Kosovës kanë kontrolluar detajisht makinën, njofton Klankosova.tv.


“Në pikë kalimin kufitar të Dheut të Bardh njësit e antikontrabandës së Doganës së Kosovës kanë selektuar një veture të dyshimtë për kontroll detal. Pas kontrollimit të udhëtarit në xhaketë janë gjetur mjete monetare në vlerë prej 52,000.00 CHF. Nga këto mjete 25% respektivisht 13,000.00CHF i janë përcaktuar si gjobë për mosdeklarim të mjeteve monetare, ndërsa 75% respektivisht 39,000.00 CHF i ndalen për procedura të mëtejme.” thuhej në njoftimin për media të Doganës se Kosovës.

Kurse me rastin e zbulimit të mjeteve monetare është njoftuar edhe Prokuroria dhe rasti është duke u trajtuar nga Hetimet.