Ne të gjithë jemi mësuar se tetë gota ujë në ditë është numri magjik për të gjithë, por kjo duhet se nuk është sasia e duhur që i duhet trupit.


Tamara Hew-Butler, një shkencëtare e ushtrimeve dhe sporteve në Universitetin Shtetëror Ëayne në Detroit tha se sasia e duhur e ujit për trupin përcaktohet duke u bazuar në disa faktor.

“Faktorët unikë të tillë si pesha e trupit, temperatura dhe ajo se sa të fortë jeni duke marrë frymë dhe kur djersiteni do të përcaktojnë se sa keni nevojë për ujë”, u shpreh ajo.

Sasia e ujit që ju nevojitet në ditë do të varet gjithashtu nga shëndeti juaj, shkruan Indianexpress.

Dikush me probleme të zemrës ose gurë në veshka dallon për nga nevoja e sasisë së ujit me dikë që merr ilaçe diuretike ose dikë që po vuan nga të vjellat apo diarrea.

Për shumicën e njerëzve të rinj, të shëndetshëm, mënyra më e mirë për të qëndruar të hidratuar është thjesht të pini ujë kur keni etje.

Kur dehidratoheni, përqendrimi i elektroliteve në gjakun tuaj rritet dhe trupi sinjalizon lirimin e hormonit vazopresinë, i cili përfundimisht e zvogëlon sasinë e ujit që lëshohet në urinë, në mënyrë që ta riktheni atë në trupin tuaj.