Lëvizja Besa tubimin përfundimtar para zgjedhjeve lokale që do të mbahen të dielën, e mbajti në qytetin e Tetovës. Në prezencë të të gjithë funksionarëve partiak dhe të simpatizantëve, kreu i Lëvizjes Besa, njëherit edhe kandidati i saj për kryetar të Komunës së Tetovës, Bilall Kasami ka prezantuar programin për qeverisjen me komunën në katërvjeçarin e ardhshëm.

“Unë nuk di të flas fjalë të mëdha, por kam ekipin me të cilët mund të bëjmë punë të mëdha. Nuk ju them do të shihni çfarë do të bëj për katër vite, vetëm do t’ju them, ndryshimi i Tetovës do të shihet për gjashtë muaj. Tetovën na e fali Zoti, e mbrojtën të parët tonë brez pas brezi, do ti dalim zot në 17 tetor, se e kemi amanet”, shtoi Kasami.