Nuk ka paqe për Kingsli Koman.
Pas tre dëmtimeve në të njëjtin kyç të këmbës në harkun e një viti, që e kishin bërë atë të mendonte për t’i thënë lamtumirë futbollit, sulmuesi francez është detyruar të bëj një tjetër ndalesë në karrierën e tij.
Kjo u njoftua nga trajneri i Bajern Mynih, Julian Nagelsman. Gjermani konfirmoi se futbollisti i është nënshtruar një operacioni në zemër, i cili mund të jetë edhe deciziv për fatet e tij në fushën e lojës.
Duke përjashtuar komplikimet, francezi duhet të jetë përsëri në dispozicion të trajnerit në tetor, por sigurisht sezoni i tij nuk filloi ashtu siç shpresonte: vetëm tre paraqitje në total, rreth dyzet minuta në kampionat, një pjesë lojë në Superkupën gjermane kundër Borussia Dortmund dhe pak minuta në ndeshjen e Ligës së Kampionëve ndaj Barcelonës.
25-vjeçari ka një kontratë me gjigantët gjerman edhe për dy vitet e ardhshme, teksa në të shkuarën është aktivizuar dhe me ekipe si PSG e Juventus.