Siç njoftojnë nga MPB, dje rreth orës 10:30 në Kërçovë është denoncuar se në rrugën magjistrale Kërçovë – Ohër një automjet BMW me tabela të Kërçovës e drejtuar nga S.S (51) ka goditur një grua më të moshuar me të njëjtat iniciale.

Zëdhënësi i SPB Tetovë, Stefan Dimovski theksoi se në aksident gruaja ka marrë lëndime të rënda trupore që janë konstatuar në spitalin e Tetovës.

Këqyrjen e vendit të ngjarjes e ka kryer ekipi i SP Kërçovë, ndërsa arsyet e aksidentit do të vërtetohen në procedurë.