Ylli adoleshent i Barcelonës, Ansu Fati, do të rikthehet në aksion pasi u shërua nga një dëmtim i rëndë në gju.

Sulmuesi 18-vjeçar pësoi dëmtimin në një ndeshje të ligës kundër Real Betis në nëntor sezonin e kaluar dhe pati disa dështime gjatë rrugës së tij drejt shërimit.

Sulmuesi duhej t’i nënshtrohej operacioneve të shumta kirurgjikale pasi trajtimi fillestar ishte i pasuksesshëm duke e përjashtuar atë nga shumica e fushatës 2020/21.

Kishte shqetësime në “Camp Nou” se dëmtimi i mundimshëm mund t’i ketë shkaktuar lojtarit komplikime serioze afatgjata në karrierën e tij, por tani ka një optimizëm më të madh se ka pasur një rikuperim të plotë.

Fati do të përfshihet në skuadër për ndeshjen në shtëpi kundër Levantes në “La Liga” këtë fundjavë.

Kishte spekulime se i riu do të përfshihej në skuadër për udhëtimin e së enjtes mbrëma në Cadiz, por klubi katalanas i ka dhënë përparësi kujdesit dhe nuk dëshiron të nxitojë kthimin e tij.

Presidenti i Barçës, Joan Laporta muajin e kaluar hodhi poshtë raportet se lojtari i ishte ofruar Unitedit, apo kudo tjetër: “Ne kurrë nuk e vendosëm atë në shitje.

“Një gjë tjetër është se u shfaq në një gazetë se një klub anglez do të bënte një ofertë. Kjo ofertë nuk erdhi kurrë. Ansu ishte i guximshëm sepse pranoi ’10’, por ai e pranoi atë vetëm nëse kapitenët i jep atij dritën jeshile. ”

Ka pasur shpresë në Camp Nou se Fati mund të luajë një rol të madh në zëvendësimin e humbjes së Lionel Messit në klub , dhe ato krahasime janë shtuar kur Fati trashëgoi fanellën e tij me numrin 10.