Klubi i madh spanjoll, Real Madridi ka ulur çmimin e kërkuar për mbrojtësin Raphael Varane mes interesimit nga Manchester Unitedi.

Varane ende nuk i është përgjigjur ofertës së kontratës të paraqitur nga Los Blancos përpara skadimit të marrëveshjes së tij verën e ardhshme.

Real Madrid nuk dëshiron ta humbasë Varanen falas vitin e ardhshëm, dhe ata e kanë të qartë se do të duhet ta shesin atë nëse nuk mund ta lidhin francezin me një kontratë të re.

Sipas Diario AS, Real Madridi po bëhet gjithnjë e më i vetëdijshëm se Varane nuk do të nënshkruajë një marrëveshje të re, dhe ata gjithashtu e dinë se situata e kontratës së 28-vjeçarit do të ulë vlerën e tij në sytë e klubeve rivale.

Me këtë në mendje, Real Madridi ka ulur çmimin e tyre të kërkuar nga 60 milionë euro në 50 milionë.

Kjo do të jetë muzikë në veshët e Manchester Unitedit, i cili është në kërkim të një mbrojtësi qendror këtë verë.

Sipas mediumit The Athletic, Unitedi thuhet se ka interes konkret dhe me 50 milionë euro ata do të bëhen favoritë të menjëhershëm për të përfunduar marrëveshjen.

Megjithatë, çdo transferim ka të ngjarë të presë deri pas Euro 2020 me Varanen aktualisht të përqendruar te kombëtarja e Francës.

Nëse Varane largohet, ai do të bashkohet me Sergio Ramosin e larguar tashmë nga Santiago Bernabeu këtë verë, duke lënë David Alaba, Nacho Fernandez dhe Eder Militao si opsionet e vetme në qendër të mbrojtjes.