Gjashtë tifozë francezë donin të mbështesnin ekipin e tyre kombëtar në ndeshjen përballë Hungarisë gjatë Euro 2020.

Por ata ngatërruan Budapestin me Bukureshtin. Shokët udhëtuan drejt kryeqytetit rumun, në vend që të shkonin në kryeqytetin hungarez, ku do të zhvillohej sfida.

Të gjashtë e kuptuan gabimin e tyre pasi mbërritën në Bukuresht dhe morën një autobus në qendër të qytetit.

Pasi u ndërgjegjësuan se ishin në një vend të gabuar, gjashtë tifozët francezë vendosën të qëndronin në Bukuresht deri të mërkurën, kur Franca u përball me Portugalinë.