Joe Biden dhe Vladimir Putin arritën për samitin e tyre historik në Gjenevë të Mërkurën në autokolonat e tyre përkatëse, me secilin udhëheqës që transportohej në makinat e tyre presidenciale të papërshkueshme nga plumbat dhe me tipare shumë të klasifikuara.

Presidenti amerikan hipi në Bishën e tij – 1.5 milion dollarë Cadillac që u reziston edhe sulmeve me bomba dhe armë.

Dyert e tij peshojnë po aq sa ato të një avioni Boeing 757 dhe gomat e tij mund të vazhdojnë të ecin akoma edhe nëse janë shfryrë.

Ekziston gjithashtu një sistem i sigurt i oksigjenit dhe furnizimit me gjak të vetë presidentit, në rast emergjence.

Sediljet e pasme kanë një telefon satelitor me një linjë të drejtpërdrejtë me Zëvendës Presidentin, Kamala Harris dhe Pentagonin.

Ndërkohë, presidenti rus mburret me limuzinën e tij, e cila thuhet se është në gjendje të mbrojë Putinin edhe nëse zhytet plotësisht nën ujë.

Prodhuar nga marka ruse e automjeteve luksoze NAMI, Aurus Senat është një limo e blinduar që funksionon me një motor V8 me 4.4 litra 598 kuaj fuqi.

Aurus është përpjekja e Rusisë për të konkurruar me pesha të rënda si Bentley dhe Rolls-Royce në tregun e automjeteve luksoze.