Ambasadori rus në vend, Sergej Bazdnikin sot pasdite kumtoi se pret në të ardhmen e afërt të mbërrijnë dërgesa të reja të vaksinës “Sputnik V” në vend.

Siç theksoi ai, duke iu përgjigjur pyetjes së gazetarëve, pala ruse në mënyrë të rreptë i respekton obligimet e veta dhe planifikon të sigurojë dërgesën e vaksinave në afatin e përcaktuar me marrëveshjen.

“Orari i dërgesës nuk është paraparë me marrëveshjen dhe formohet varësisht mundësive prodhuese të palës ruse. Megjithatë, Ambasada është në kontakt të vazhdueshëm me udhëheqësinë e Fondit rus për investime të drejtpërdrejta rreth dërgesave të vaksinave. Shpresojmë se në të ardhmen e afërt do të mbërrijnë dërgesa të reja të “Sputnik V”, theksoi ambasadori pas arritjes së aeroplanit në vendosjen e linjës së re ajrore Moskë – Shkup.

Bazdnikin potencoi se Ambasada nuk është e njëjta sikurse edhe Fondi rus për investime të drejtpërdrejta për çka, për përgjigje konkrete kur të mbërrijnë dërgesat e reja, gazetarët çështjen t’ia drejtojnë Fondit.

“Unë ju thashë aq sa di dhe aq sa mundem. Por jam i sigurt se të gjitha obligimet do të plotësohen”, nënvizoi ambasadori rus në vend.

Ai rikujtoi se Federata ruse planifikon në vend t’i dërgojë 200 mijë doza “Sputnik V”.