Ministri i ri bullgar i Punëve të Jashtme, Svetlan Stoev, njoftoi sot se Bullgaria mbetet e hapur për dialog të hapur dhe bashkëpunim me Maqedoninë e Veriut, por që të gjitha takimet duhet të mbahen nën kushte të veçanta dhe të caktuara, njofton agjencia bullgare “BGNES”.

“Republika e Maqedonisë së Veriut propozoi të mbajë një bisedë telefonike midis dy ministrave të jashtëm dhe ajo do të zbatohet sa më shpejt që programi dhe orari i Ministrit Stoev të lejojnë”, thonë nga Ministria e Jashtme.

Sipas tyre, Bullgaria ka qenë dhe mbetet gjithmonë e hapur për dialog të hapur dhe bashkëpunim me Maqedoninë e Veriut. Një takim ndërqeveritar mund të mbahet kur plotësohen parakushtet dhe kushtet e nevojshme. Mbajtja e një takimi në një format të tillë duhet të jetë plot me përmbajtje. Në këtë drejtim, kujtojmë se raporti vjetor për punën e komisionit të përbashkët multidisiplinar të ekspertëve për çështje historike dhe arsimore duhet të miratohet në takimin e ardhshëm ndërqeveritar.

Shfrytëzojmë këtë mundësi për të kujtuar se Ministri Stoev, kur mori detyrën, tha se pala bullgare mbetet e hapur për dialog dhe qeveria e përkohshme nuk është e autorizuar të ndryshojë pozicionin kornizë të Bullgarisë, i cili u miratua me konsensus të të gjitha forcave politike në Parlament”, thuhet në deklaratën e Ministrisë së Jashtme bullgare.