Katër kandidatët për kryetarin e Partisë Demokratike nisin sot zyrtarisht fushatën zgjedhore në të gjithë vendin deri më 11 Qershor. Kandidatët Lulzim Basha, Fatbardh Kadilli, Edith Harxhi dhe Agron Shehaj do të kenë dy ditë kohë për të dorëzuar në Komisionin Zgjedhor emrat e vëshguesve që do të ndjekin procesin zgjedhor.

Kandidatët do të takojnë anëtarët e PD në 71 degët e kësaj partie në vend për të prezantuar programin për të reformuar këtë forcë politike. Kandidatja Harxhi është shprehur kundër mbajtjes së zgjedhjeve më 13 Qershor duke argumentuar se nuk është kohë e mjaftueshme për zhvillimin e fushatës, ndërsa Kadilli ka kërkuar ngrirjen e administratës së PD në mënyrë që gara të jetë e barabartë për të gjithë kandidatët.

Katër kandidatët u përzgjodhën nga kryesia e PD, cila përjashtoi 5 kërkesa për të kandiduar pasi nuk plotësonin kriteret e vendosura nga Komisioni Zgjedhor.