Atletico Madridi ka regjistruar fitore prej 2-1 përballë Real Sociedadit për të arkëtuar pikë të plota në garën për titullin e La Ligas.

Në ndeshjen e zhvilluar në Estadio Wanda Metropolitano, Los Rojiblancos e kryen punën e nevojshme për të rrugëtuar drejt shpalljes kampion të Spanjës.

Vendasit e nisën sfidën në kërkim të golit dhe e zhbllokuan rezultatin në minutën e 16-të përmes Yannick Carrasco, i cili u asistua nga Marcos Llorente.

Shumë shpejt, nikoqirët e dyfishuan epërsinë me golin e Angel Correa (28’) që shënoi falë asistimit nga Luis Suarez.

Në pjesën e dytë, mysafirët e bënë më dramatik fundit duke e ngushtuar rezultatin përmes Igor Zubeldia. Megjithatë, vendasit nuk lejuan befasi deri në fund dhe e ruajtën avantazhin.