Mbretëresha Elizabetë e pikëlluar thotë se familja e saj është e prekur thellë nga mbështetja që kanë marrë pas varrimit të Philip. derisa feston ditëlindjen e parë pa të.

Mbretëresha sot tha se ajo ishte ‘prekur thellë’ nga ‘mbështetja dhe mirësia’ e treguar nga publiku pas vdekjes së Dukës së Edinburgut ndërsa shënonte ditëlindjen e saj të 95-të pa ‘forcën dhe qëndrimin’ e saj prej 73 vjetësh, shkruan Daily Mail.

Në komentet e saj të para që nga vdekja e Princit Philip, Mbretëresha falënderoi dashamirët në të gjithë globin për homazhet që i kanë kushtuar burrit të saj që kanë ‘prekur thellë’ familjen mbretërore.

Mbretëresha tha se ajo dhe familja e saj ishin në një ‘periudhë trishtimi të madh’ por u ngushëlluan nga fjalët e mira për Philip, i cili vdiq në Windsor, në moshën 99 vjeç.

Madhështia e saj tha në një deklaratë: ‘Unë me rastin e ditëlindjes sime të 95-të sot kam marrë shumë mesazhe urimesh, të cilat i vlerësoj shumë”.

“Ndërsa si familje jemi në një periudhë trishtimi të madh, ka qenë një ngushëllim për të gjithë ne të shohim dhe të dëgjojmë telegramet ngushëlluese që i bëhen burrit tim, nga ata brenda Mbretërisë së Bashkuar, Komonuelthit dhe në të gjithë botën. Familja ime dhe unë do të doja t’ju falenderoja të gjithëve për mbështetjen dhe mirësinë që na treguan ditët e fundit”, shkruan ndër të tjera Elizabeta.

“Ne jemi prekur thellë dhe vazhdojmë të kujtojmë se Philip kishte një ndikim kaq të jashtëzakonshëm në njerëz të panumërt gjatë gjithë jetës së tij”, u shprej ajo.