Kryeministri Edi Rama ditën e sotme ka marrë pjesë në takimin me Këshillin e Stabilizim Asociimit në Bruksel ku ndër të tjera është diskutuar edhe situata e pandemisë dhe vaksinave anti-Covid.

Rama ka kritikuar sërish BE-në për vaksinat ku theksoi se Shqipëria dhe vendet e tjera të rajonit u lanë mënjanë në shpërndarjen e vaksinave, dhe sipas tij kjo ishte tronditëse për qytetarët.

“Ne vlerësojmë shumë përpjekjet e bëra nga Komisioneri për të qenë në anën tonë në këtë moment kaq delikat kur ne Shqipëria dhe vendet e tjera të rajonit u lamë mënjanë në shpërndarjen e vaksinave. Ishte një moment tronditës për njerëzit tanë pasi ne nuk jetojmë në kufi, por brenda BE, por jemi të rrethuar në rajonin tonë nga kufijtë e BE. Megjithatë, un e di ju të gjithë e dini si shkoi kjo gjë.

Sot ka 140 vende që nuk kanë nisur asnjë injeksion. Sot ka 10 vende që kanë 70% të prodhimit. Është e vështirë jo vetëm për ne por shumë anëtarë të BE. Jam i lumtur që të shpall se Covax po nis më në fund tu japë vendeve dozat e para. Dhe do të jemi shumë të lumtura të marrim dërgesën e parë të vaksinës AstraZeneca”, tha Rama.