Në listën e bërë publike për zgjedhjet e 14 shkurtit, partia Bashkimi Social Demokrat i Duda Baljes ka marrë 2569 vota.

Vetë ish-deputetja ka arritur të marrë 2213 vota duke mbetur jashtë Kuvendit.

Iniciativa e Adrijana Hoxhiç që thotë se përfaqëson komunitetin boshnjak ka arritur të futet për herë të parë në Kuvend dhe Hoxhiç ka fituar mandatin.

Lidhur me këtë çështje, Duda Balje ka parashtruar ankesë në PZAP dhe ka deklaruar se të njëjtën do ta dërgojë edhe në Gjykatë Supreme dhe në Kushtetuese.

Në krah Duda Baljes i kanë dalë edhe 50 organizata jo qeveritare boshnjake në Kosovë, të cilat thonë se nuk pranojnë si përfaqësues ata politikanë që u zgjodhën me vota të komuniteteve tjera.