Policia e Bulqizës ka arrestuar 24 vjeçarin i cili përplsi për vdekje dy ditë më parë një 69 vjeçar.

Sipas policisë, i riu ia ka mbathur nga vendngjarja pas aksidentit dhe për pasojë akuzohet për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

Njoftimi i policisë:

Specialistët për Hetimin e Krimit në Komisariatin e Policisë Bulqizë bënë arrestimin në flagrancë të shtetasit N. D., 24 vjeç, banues në Zerqan, Bulqizë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

Arrestimi i tij u bë pasi më datë 01.03.2021, në Gjoricë, (në segmentin e rrugës së Arbrit që është kantier ndërtimi), duke drejtuar automjetin tip “Mercedes Benz” ka aksidentuar me pasojë vdekjen shtetasin R. R., 69 vjeç, dhe më pas është larguar nga vendi i ngjarjes.