Një dyqan është shkrumbuar nga flakët mëngjesin e sotëm në Tiranë, por fatmirësisht nuk raportohet për të lënduar.

Ngjarja ka ndodhur në rrugë “Stefanaq Pollo”, pranë zonës së njohur si “Varri i Bamit”.

Subjekti që tregtonte mallra të ndryshëm është shkrumbuar komplet, ndërsa raportohet se vlera e dëmit është të paktën 2 mln lekë.

” style=”padding: 0px; margin: 0px auto; box-sizing: border-box; width: 300px; border: none; display: block;”>

Zjarri ka shkaktuar panik tek banorët, pasi flakët kanë “përpirë” edhe ballkonin e një banese në kat të dytë.

Zjarrfikësja ka shkuar në vendin e ngjarjes dhe ka shuar flakët, ndërsa policia po punon për zbardhjen e shkaqeve të zjarrit.