Shkodran Mustafi është në bisedime me Arsenalin për të përfunduar kontratën e tij herët mes interesit nga klubet në Gjermani dhe Itali, raportojnë mediat angleze.

Topçinjtë ishin përpjekur t’ia zgjasnin kontratën Mustafit verën e kaluar, me marrëveshjen e gjermanit që skadon më 30 qershor të këtij viti.

28-vjeçari Mustafi nuk ka luajtur që nga Boxing Day dhe përfaqësuesit e tij kanë shqyrtuar mundësitë për ta siguruar largimin e tij këtë muaj, në të njëjtën mënyrë që Mesut Ozil dhe Sokratis Papastathopulos janë larguar nga klubi ditët e fundit.

Ka interes nga klube në të gjithë Evropën, por klima aktuale financiare e bën shumë të vështirë që ndonjë skuadër të mund të përballojë të paguajë një tarifë transferimi për Mustafin, i cili mbërriti nga Valencia për një tarifë prej 35 milionë funta në vitin 2016.

Për këtë arsye, Mustafi dhe Arsenal po negociojnë për të shkëputur kontratën gjashtë muaj para kohe.