Trajneri i Barcelonës, Ronald Koeman ka kritikuar një deklaratë të fundit të bërë nga presidenti aktual i klubit, Carles Tusquets.

Tusquets ditë më parë tha se do të kishte qenë më mirë financiarisht nëse Barcelona do të kishte shitur Messin verën e kaluar, kur argjentinasi kërkoi largimin.

“Ne të gjithë e dimë situatën e Leos”, ka deklaruar fillimisht Koeman.

“Nëse dikush vendosë për të ardhmen e tij, është Leo. Komentet jashtë klubit për këtë situatë nuk më interesojmë, ne nuk mund t’i kontrollojmë ato”.

“Por, komentet brenda klubit nuk na sjellin paqen që na nevojitet”.