Liverpool ka shtyrë festën për kualifikim në Ligën e Kampionëve pasi që sonte është mposhtur në Anfield Road nga skuadra italiane, Atalanta. Kjo fitore i ka jep mundësi Atalantas që të ëndërroi për kualifikim për fazën tjetër dhe këtë mund ta arrin në ndeshjen e fundit direkte me Ajaxin

Liverpool e kishte mundësinë që ta kryente sot kualifikimin në Ligën e Kampionëve por këtë nuk e ka arritur pasi që është mposhtur nga Atalanta.

Pjesa e parë përfundoi pa gola, me skuadrën e Liverpool që kërkonte më shumë golin e parë. Por, kjo pjesë kaloi në qetësi, madje për 45 minuta nuk pati asnjë karton të verdhë.

Në pjesën e dytë, skuadra e Atalantas u zgjua dhe kërkonte golin e epërsisë.

Këtë do ta arrinte me anë të Ilicic i cili shënoi një gol të bukur në minutën e 60-të.

Atalanta do t’i jepte fund këtij takimi me golin që shënon Gosens në minutën e 64-të.

Me këtë humbje Liverpool mbetet më vetëm 9 pikë por është lider në Grupin D të Ligës së Kampioneve. Javën e ardhshme Liverpool pret Ajaxin që sonte mundi Midtjylland me rezultat 3-1.

Gjërat ende janë të paqarta në Grupin D.

Liverpool duhet që të fitojë kundër Ajaxit në ndeshjen e ardhshme në mënyrë që në ndeshjen e fundit kundër Midtjylland të konfirmohet si lider i grupit.

Në anën tjetër për pozitën e dytë duket se do të këtë një luftë të ashpër në mes të Atalantas dhe Ajaxit. Të dyja skuadrat kanë nga 7 pikë. Në rast se Ajax humbet nga Liverpool dhe Atalanta fiton kundër Midtjylland, atëherë do të ishte ndeshja në xhiron e fundit e këtyre dy skuadrave që do të luhet në Amsterdam do të  përcaktonte kalimin në 1/8 e finales se Ligës së Kampioneve.