Kreu i institutit më të njohur shëndetësor gjerman ”Robert Koch Institut” (RKI) është kundër vaksinimit të detyrueshëm ndaj koronavirusit.

“Ne nuk kemi asnjë arsye të mendojmë për vaksinimin e detyrueshëm”, deklaroi presidenti i këtij instituti, Lothar Wieler, në qytetin Schwerin në Gjermaninë Veriore.

”Qytetarët me siguri do të ishin aq të zgjuar sa të dinin kur ekzistonte një vaksinë e sigurt që promovonte shëndetin e tyre”, tha ai.

Një grup pune u themelua në RKI disa javë më parë për t’u përqëndruar në temën e një vaksine.

Sapo të bëhet një vaksinë, ky grup do të kujdeset se cilat grupe të popullsisë mund të vaksinohen dhe mënyrën se si.

Loading...