Trajneri i Barcelonës, Ernesto Valverde nuk e ka problem të fishkëllehet nga tifozët në “Camp Nou”, por u bëri thirrje lojtarëve të tij të reagojnë pas barazimit pa gola me Slavia Prague në Champions League.

Barcelona dështoi t’i kthehet ecurisë së fitoreve pas disfatës me rezultatin 3-1 në fundjavë kundër Levantes, duke bërë kështu që të shtohet presioni mbi trajnerin Ernesto Valverde.

“Në fundjavë ne humbëm kundër Levantes por edhe në Champions nuk morëm më shumë se një barazim. Kjo situatë ka shtuar presionin mbi skuadrën dhe për mua. Mendoj se ka ardhur koha të përgjigjemi dhe të ndryshojmë këtë situatë duke u rikthyer tek fitorja. Në futboll, gjithçka ndodh shumë shpejt”, tha Valverde.

Kur u pyet për reagimin e tifozëve të Barcelonës në fund të ndeshjes, ai shtoi: “Është në rregull të jesh kërkues ndaj skuadrës”.

Loading...
Global