Jamie Lee Curtis, një nga emrat më të mëdhenj të aktrimit në vitet ’80, foli për betejat e saj me varësinë dhe raportet me babanë e saj të ndjerë, Tony Curtis.

Aktorja zbuloi në një intervistë për Variety se ajo ishte e bezdisur, por edhe si i kaloi vitet kur ishte e varur nga drogë. Tony ishte gjithashtu një aktor, i njohur për rolin e tij në filmin e vitit 1959 “Dikush e do nxehtë”, ku luajti së bashku me Marylin Monroe.

Ai ndërroi jetë në vitin 2010 nga një atak kardiak në moshën 85-vjeç.

“Unë e dija që babai kishte probleme, pasi ne konsumonim drogë së bashku. Ishte një periudhë kur isha fëmija i tij i vetëm për të biseduar me të. Unë kisha gjashtë vëllezër, tani kam pesë. Vëllai im Nikolla vdiq nga një mbidozë e heroinës kur ishte 21-vjeç. Por unë merrja drogë me babanë. Kam marrë kokainë. Ai ishte shumë aktiv në shërim, rreth tre vjet. Por nuk kaloi shumë”, zbuloi ylli 60-vjeçar.

Ajo së pari filloi të marrë opium në 1989, pas një operacioni të vogël plastik. Për dhjetë vjetët e ardhshme, ajo mori pilula kundër dhimbjes, madje edhe se kishte vjedhur ato nga familja dhe miqtë, përfshirë motrën Kelly, e cila ishte e para që mësoi për varësinë e saj në vitin 1998.

Curtis është e martuar me producentin Christopher Guest që 20 vjet dhe këtë ajo e konsideron si suksesin e saj më të madh.

Loading...