Trajneri i Kombëtares së Kosovës, Bernard Challandes, e publikoi të premten listën e lojtarëve të ftuar për dy ndeshjet e nëntorit, shumë prej të cilëve do ta luajnë sot ndeshjen e fundit për klubin e tyre dhe do të vijnë në Kosovë për t’i filluar përgatitjet me Kombëtaren.

Ekipi kombëtar i Kosovës do ta mbajë stërvitjen e parë të hënën në orën 18:00, në stadiumin “Fadil Vokrri”. Paraprakisht, të hënën, në orën 11:00, përzgjedhësi Bernard Challandes, do të paraqitet në konferencë për media, raporton Gazeta Express.

Para se të grumbullohen këta 24 lojtarë të Kosovës të hënën në orën 18:00 për stërvitjet e para për ndeshjet vendimtare për kualifikim nga Grupi A në EURO 2020 – kundër Çekisë dhe Anglisë – ata do ta luajnë edhe nga një ndeshje me klubet e tyre.

Cilët lojtarë të Kosovës mund t’i shohim sot duke luajtur për klubet e tyre?

Fidan Aliti: Kalmar FF – Brage, sot në orën 14:45
Mërgim Vojvoda: Standard Liege – Mechelen, sot në orën 20:00
Benjamin Kololli: Fc Zurich – Sion, sot në orën 16:00
Valon Berisha : Lazio – Lecce, sot në orën 15:00
Herolind Shala : Tromso – Valerenga, sot në orën 18:00
Edon Zhegrova: Lugano – Basel, sot në orën 16:00
Florent Muslija:Heidenheim – Hannover 96, sot në orën 13:30
Milot Rashica : Monchengladbach – Werder Bremen, sot në orën 13:30
Natyrisht, disa prej këtyre mund të mos jenë titullar në klubet e tyre apo të mos luajnë fare sot, përderisa disa lojtarë të tjerë që janë ftuar nga Kosova luajtën dje.

Loading...